Çfarë është IVF?

Fertilizimi in vitro është një metodë e trajtimit të përdorur kur çiftet nuk mund të lindin fëmijë pavarësisht marrëdhënieve të rregullta të pambrojtura. Për çiftet që vlerësohen për infertilitet, shtatzënia nuk duhet të arrihet përkundër:

– Marrëdhënieve të rregullta për një vit, për femrat më të reja se 35 vjeç
– Marrëdhënieve të rregullta për gjashtë muaj, për femrat më moshë më të madhe se 35 vjeç
Një trajtim IVF është një proces që kryhet si rezultat i punës ekipore profesionale. Një rezultat i suksesshëm kërkon një ekip profesional të përbërë nga gjinekologë (gjinekolog dhe obstetër), urologë, embriologë, infermierë dhe stafi ndihmës.

Si kryhet një trajtim IVF? Cilat janë fazat e saj të ndryshme?

Fazat e IVF janë si më poshtë:

1. Faza 1: Ekzaminimi mjekësor
Në takimin e parë, shkaqet e infertilitetit i shpjegohen çiftit që dëshiron të fillojë trajtimin. Informata të detajuara u jepen në lidhje me testet që duhet të kryhen. Prania e burrit dhe gruas në vizitën e parë është e rëndësishme. Kur vjen në klinikë, pacientët duhet të sjellin rezultatet e të gjitha testeve të kryera deri në atë kohë, një eko të mitrës nëse ka, dhe raportet – epikrizat për të gjitha operacionet e mëparshme kirurgjikale ose trajtimet e infertilitetit. Për më tepër, nëse ka sëmundje të tilla si sëmundjet e zemrës ose diabetit, duhet të sillen të gjitha informatat dhe raportet përkatëse.

Nuk ka nevojë të jeni në një ditë të caktuar të ciklit tuaj menstrual për ekzaminimin e parë. Ky vlerësim mund të bëhet në çdo ditë. Pas ekzaminimit të hollësishëm gjinekologjik dhe ultrasonografisë, mund të kërkohen teste shtesë nëse konsiderohet e nevojshme. Kur konsiderohet e nevojshme nga mjeku, planifikohen ekzaminime me gjenetist, urolog, embriolog, psikolog klinik dhe dietist. Këta ekspertë pastaj vlerësojnë gjendjen e përgjithshme të pacientit. Qëllimi është së pari të përcaktohen shkaqet e infertilitetit dhe të vendoset mbi trajtimin e duhur për pacientët; pastaj, në kohën e duhur të sigurohet për trajtimin e duhur.

2. Faza 2: Stimulimi i Kontrolluar i Ovarianëve

Në ditën e dytë ose të tretë të menstruacioneve të saj, nëna e ardhshme vjen në ekzaminim dhe mjeku vlerëson gjendjen e vezoreve nëpërmjet imazhit me ultratinguj. Gjithashtu, në varësi të gjendjes së pacientes, mund të kontrollohet edhe niveli i hormoneve në atë ditë. Sipas rezultateve, mjeku përshkruan një trajtim të hormoneve që synon të stimulojë vezoret e pacientes për të prodhuar vezë të shumëfishta. Më pas i jepet informacioni përkatës. Injeksionet hormonale, të cilat përmbajnë FSH dhe HMG, stimulojnë rregullisht vezoret për të nxitur zhvillimin e një numri të madh të folikulës (qeskat e vogla të cilat mendohet se përmbajnë qeliza vezë).

Numri i folikulit të zhvilluar direkt ndikon shanset e suksesit të trajtimit. Për këtë arsye, doza fillestare e injeksioneve të hormoneve varet nga mosha, pesha dhe trajtimet e mëparshme të pacientes. Zhvillimi folikular gjurmohet përmes nivelit të estrogjenit në gjak, matjeve dhe madhësinë e folikuës nëpërmjet ultrasonografisë. Duke vlerësuar këto të dhëna, doza e injeksioneve që përmbajnë FSH dhe HMG përcaktohet gjatë gjithë fazës së zhvillimit të vezës. Pas injektimit të hormoneve (8-10 ditë), jepet një injeksion kur folikuli më i madh arrin 18-20 mm madhësi.

3. Faza 3: Mbledhja e Vezëve

Përafërsisht 34-36 orë pas dhënies së injeksionit, vezët mblidhen në trakin vaginal përmes një procedure të shkurtër kirurgjikale nën anestezi të përgjithshme. Mbledhja e vezëve është një procedurë pa dhimbje e kryer nën anestezi të përgjithshme. Vezët e mbledhura merren në laborator dhe përgatiten për mikroinjektim.

4. Faza 4: Fertilizimi në Laborator

Në laborator vlerësohen vezët nën mikroskop. Ato më të përshtatshmet janë fekonduar me spermatozoidët e përzgjedhur dhe monitorohen për zhvillimin e embrionit. Dy metoda të ndryshme përdoren për procesin e fekondimit. Në procedurat e rregullta të IVF, spermatozoidi dhe qelizat vezë vendosen në të njëjtin medium dhe fekondimi arrihet kur spermatozoidet arrijnë vezën, siç do ta bënin natyrshëm. Me metodën e mikroinjektimit, qeliza e përzgjedhur e spermës injektohet në vezë duke përdorur mikrokanulat. Metoda që do të përdoret në trajtim përcaktohet duke vlerësuar karakteristikat e vezës dhe spermës së çiftit së bashku me historikun e tyre të trajtimit.

Vezët e fekonduara vendosen në pajisje speciale të quajtura inkubatorë, të cilat janë të ndërtuara për të imituar mjedisin e mitrës në mënyrën më të mirë të mundshme dhe zhvillimi i tyre monitorohet në baza ditore. Monitorimi i përditshëm synon të ndihmojë zgjedhjen e embrionit me cilësi më të lartë që ka më shumë gjasa të mbahet në mitër. Ashtu si në laboratorët e shquar të teknologjisë së lartë, laboratorët e Bahçeci përdorin gjithashtu një pajisje inkubatori të veçantë që siguron sisteme dinamike të imazhit gjatë rritjes së embrionit, pëkujdesjes dhe përzgjedhjes. Me këtë pajisje, e njohur edhe si embrioskop, embrioni mund të monitorohet pa asnjë ndryshim në mjedisin e tij, dhe kështu zgjedhja e embrionit me potencialin më të lartë për shtatzëni mund të kryhet më saktë dhe më e sigurt.

5. Faza 5: Transferimi i Embrionit

Kjo është faza më e shkurtër por më e rëndësishme e trajtimit. Dështimi për të transferuar embrionin ose embrionin e zgjedhur në mitër mund ta rrezikojë të gjithë trajtimin. Për këtë arsye, përvoja dhe njohuritë e mjekut që kryejnë transferimin janë po aq të rëndësishme sa cilësia dhe zgjedhja e embrionit. Procedura e transferimit është zakonisht pa dhimbje dhe anestezia kryhet shumë rrallë. Në varësi të numërimit dhe zhvillimit të embrionit, moshës së pacientit, përpjekjeve të mëparshme dhe shumë parametrave të tjerë, transferimi kryhet 2 deri 6 ditë pas OPU (grumbullimit të vezëve)

Embrioni, tani në një shkallë të caktuar të pjekurisë, transferohet në mitër me ndihmën e një kateteri të veçantë.
Nëse kanë mbetur embrione me cilësi të mirë pas transferimit, çifti mund të zgjedhë t’i ngrijë ata për përdorim në të ardhmen.

6. Faza 6: Trajtimi mjekësor pas transferimit

Pas transferimit, pacientes i jepet një trajtim mjekimi për të ndihmuar mbërthimin e embrionit në mitër.

7. Faza 7: Testi i Shtatzënisë

12 ditë pas transferimit, kryhet një test Beta-hCG e gjakut për të diagnostikuar shtatzëninë.

Si te zgjidhni nje Qendër IVF?

Kur zgjedh një qendër IVF, është thelbësore të shikoni përvojën e qendrës, pajisjet e saj teknike dhe statistikat e saj të shtatzënisë. Grupi Shëndetësor Bahçeci është një familje e madhe që dëshmon 23 vite eksperiencë dhe mbi 60.000 foshnje të IVF të shëndetshëm. Ne përmbahemi realizimit të ëndrrave të mijëra familjeve me mjekët dhe embriologët tanë ekspertë, si dhe me laboratorët tanë të embriologjisë të nivelit më të lartë.

Sa kushton IVF?

Për shkak të legjislacionit aktual, ne nuk mund të publikojmë informacionin e çmimeve në faqen tonë të internetit. Për të mësuar më shumë rreth IVF, lutemi plotësoni formularin e kontaktit ose na telefononi në +383 386 06 220.

Agron Dashi

Përshëndetje, Jemi të martuar qe 2 vite, po provojmë të kemi …

Lexo Vazhdimin

Shqipe Morina

Jam 5 vite e martuar, gjatë këtyre 5 viteve kam vizituar shumë …

Lexo Vazhdimin

Vlora Gashi

Unë mbetesha shtatzënë por çdoherë kur isha 5-6 javësh më thonin që …

Lexo Vazhdimin

Lumturie Dardha

Pas tentimit tonë 4 herë me IVF, më në fund u takuam …

Lexo Vazhdimin

7 Shtete, 13 Qendra

Mbi 60.000 foshnje me IVF

Me Bahçeci e cila sidomos në rastet e vështira posedon sukses mbi Standardet Evropiane, realizoni edhe ju ëndrrën tuaj për t'u bërë prindër.

RRETH NESH

Konsulta falas

NE JU KONTAKTOJMË

Për konsulta falas me mjekët tanë na lini numrin tuaj të telefonit, ne ju kontaktojmë.

Ne ju Kontaktojmë
Numri juaj i telefonit:

apo ju mund të na kontaktoni në numrin e telefonit +383 38606 220

WhatsApp Viber
WhatsApp
Ne Ju Kontaktojme
Ju do të kontaktoheni brenda një kohe shumë shkurtër: