CD56 Testi

CD56 Testi Nədir?

CD56 testi öldürücü hüceyrələr olaraq bilinən və hamiləliyin baş tutmasına mənfi təsir edən hüceyrələrin, uşaqlıq içi təbəqəsindəki sıxlığının aşkar edilməsinə imkan yaradan bir testdir.

Həm özlüyündən olan hamiləliklərdə, həm də süni mayalanma müalicələrindən sonra əldə edilən hamiləliklərdə embrionun uşaqlığın iş təbəqəsinə yerləşməsi əsnasında çox sayda molekulyar mexanizm işə düşür. Bu mexanizmlər içərisində immunitet sisteminin hamiləlik üçün uyğun bir səviyyədə olmasının böyük önəmi vardır.

Son illərdə edilən elmi çalışmalarda xüsusilə öldürücü hüceyrələrin (NK hüceyrələri) uşaqlığa yerləşmə mərhələsində son dərəcə önəmli rol oynadıqları göstərilmişdir. NK hüceyrələrinin sıxlığının uşaqlıq iç təbəqəsində normaldan artıq ya da az olması embrionların uşaqlığa yerləşməsinə mənfi təsir edə bilər. Bu hüceyrələrin uşaqlıq içi təbəqəsində normaldan artıq olması hamiləlik itkilərinin səbəblərindən biri olaraq göstərilməkdədir.

CD56 Testi Kimlərə Tətbiq Olunur?

CD56 testi övlad sahibi olmaq istəyən, öncəsində 2 və ya daha çox düşük olan xəstələrə tətbiq oluna bilir. Bundan əlavə daha əvvəl süni mayalanma müalicələrində 3 ya da daha artıq yaxşı keyfiyyətli embrion transfer edilməsinə baxmayaraq hamiləlik baş tutmayan xəstələrdə tətbiq oluna bilir.

CD56 Testi Necə İcra Olunur?

CD 56 testi təbii öldürücü hüceyrələrin miqdarını müəyyən edən bir testdir. Qanda ya da uşaqlıq toxumasında baxıla bilər. Ancaq qandakı öldürücü hüceyrə miqdarının toxuma təmsili aşağı olduğu üçün üstünlük verilən yanaşma dəyərləndirmənin toxumada icra olunmasıdır.
Ovulyasiya dönəmindən sonra seçimə görə adətin 21 ilə 24. günləri arası uşaqlıq iç təbəqəsindən anesteziya ilə götürüləcək toxuma parçasından uzman patoloqlar tərəfindən edilən immünhistokimyasal bir dəyərləndirmə edilərək cavab əldə olunur.

CD56 səviyyəsi yüksək aşkarlanan xəstələrdə uyğun şərtlərin əldə edilməsindən sonra embrion transferi hazırlığında və sonra müəyyən aralıqlarla intralipid inyeksiyası kimi immunitet sistemini nizamlayan müalicələr tətbiq olunur.

CD56 Testinin Qiyməti Nə Qədərdir?

Qiymətlərlə ilə bağlı məlumatları daxili qaydalarımız səbəbi ilə web saytımızda paylaşa bilmirik. Hal-hazırkı qiymətlərimiz barədə məlumat almaq və həkimlərimizlə görüşə bilmək üçün əlaqə formumuzu doldura bilər və ya 012-598-05-43/49 nömrəli telefondan bizimlə əlaqə saxlaya bilərsiniz.