Embrioskop

Embrioskop Nədir?

Embrioskop, embrion inkişafına 7/24 nəzarət edilməsinə imkan yaradan bir sistemdir. Süni mayalanma müalicəsi müddətində əldə edilən embrionlar laboratoriyada inkubator adı verilən və uşaqlığı əvəz etmək məqsədilə istehsal edilmiş cihazların içərisində böyüdülürlər. Laboratoriyada tutulduqları müddət ərzində istər embrion inkişafını izləmək, istərsə də hamiləlik şansı ən yüksək embrionu seçmək üçün hər gün səhər saatlarında (bəzən gündə bir neçə dəfə) embrionlar bu cihazdan götürülərək ətraf mühitə çıxardılır və mikroskop altında nəzərdən keçirilir. Bu prosedurlar hər nə qədər laboratoriya şərtlərində həyata keçirilsə də, embrionların ətraf mühitdəki yoxlanışları ərzində zərər görmə və inkişaflarına təsir etmə riskləri mövcuddur.

Son dövrlərdə baş verən inkişaf nəticəsində embrionlar artıq embrioskop (embryoscope) adı verilən özəl kamera sistemləri quraşdırılmış inkubatorlarda böyüdülə bilirlər. Beləliklə, embrionları inkişaflarının hər anını görəbilirik və ya qeydləri keçmişə qayıdaraq ətraflı şəkildə nəzərdən keçirə bilirik. Başqa bir deyimlə embrionlarımızı 24 saat müşahidə altında tuta bilirik.

Embrioskop ilə hamiləlik şansı artırmı?

Süni mayalanma müalicələrində embrion inkişafı, hamiləliyə səbəb olan əsas faktorların başında gəlir. Embrion inkişafını embrion cihazı sayəsində davamlı olaraq izləyə bilmək ən əlverişli, hamiləlik şansı ən yüksək embrionu seçməyimizə imkan yaradır. Eyni zamanda böyüdüldükləri mühitdən kənara çıxarılmadıqları üçün hər hansı bir ekoloji faktordan da təsirlənmə ehtimalı son dərəcə azalır. Beləliklə, ənənəvi inkubatorlara nəzərən embrioskop sisteminin daha yüksək hamiləlik şansı yarada biləcək embrionun həm böyüdülməsində, həm də seçimində olduqca vacib bir faydası vardır.

Yüksək maliyyə tələb edən bir cihaz olması səbəbilə bir çox süni mayalanma mərkəzlərində embrioskop cihazından istifadə edilmir. Bahçeci Sağlamlıq Qrupu olaraq dünyadakı ən son yenilikləri yaxından izləyərək ən yeni texnologiyaları, öz sahəsində dünyanın qabaqcıl mərkəzləri ilə birlikdə bərabər zamanlı olaraq mərkəzlərimizdə tətbiq edirik. Embrioskop cihazını klinik müvəffəqiyyəti artıran bir metod olaraq süni mayalanma müalicələrində faydalı və təsirli bir şəkildə istifadə edirik.

Embrioskopun Üstünlükləri Nələrdir?

• Ebmbrionun inkişafı haqqında lazım olan bütün məlumatları təqdim edir.
• Heç bir dəyişikliyi nəzərdən qaçırmayan inkişaf etmiş bir mikroskop sisteminə malikdir.
• Embrionun inkişafı ərzində ağ işıqla təması tamamilə əngəlləyir.
• 7/24 müşahidə imkanı yaradır.
• Müşahidə ərzində embrionlar cihazın xaricinə çıxarılmadıqlarından embrionlar üçün xarici mühitdən təsirlənməyəcəkləri güvənli bir “canlı inkubator” şəraiti yaradır.
• Embrion əlverişsiz böyümə şərtlərinə və ya istiliyə məruz qalmadan bütün müşahidələr inkubator içində həyata keçirilir.
• Xəstələrin və sahib olduqları bütün embrionların inkişaflarına aid məlumatların saxlanıldığı və analiz edildiyi bir məlumat bölməsi olaraq fəaliyət göstərir. Bu sayədə embrion müşahidələri və inkubator şərtləri haqqında ətraflı məlumatlar əldə olunur, müalicə nəticələri bu məlumatlara görə dəyərləndirilir və gələcəkdə referans üçün xəstə məlumat dosyalarında saxlanılırlar.