Mikroinyeksiya (ICSI)

Mikroinyeksiya (ICSI) Nedir?

Mikroinyeksiya, kişidən qaynaqlanan sonsuzluq probleminin müalicəsində istifadə edilən bir üsuldur. Sperma sayı az,sperma hərəkətliliyi aşağı və ya sperma strukturu xarab olan xəstələr mikroinyeksiya üsuluyla ata ola bilirlər.

Süni mayalanma müalicələrində 2 fərqli üsuldan istifadə edilir. Bunlar, klasik süni mayalanma üsulu (IVF) və mikroinyeksiya üsuludur. Hər iki işləmdə də eyni müalicə mərhələləri aparılarkən aralarındakı tək fərq döllənmə mərhələsidir. Klasik süni mayalanma üsulunda yumurta və sperma hüceyrələri eyni mühitə buraxılır və sperma hüceyrəsinin yumurtanı öz özünə dölləndirməsi gözlənilir. Mikroinyeksiya üsulunda isə ən yaxşı olan sperma hüceyrəsi seçilir və yumurtanın içinə yeridilir, beləliklə döllənmə şansı artırılmış olur.

Mikroinyeksiya Kimlərə Tətbiq Olunur?

• Sperma sayının çox az olduğu hallarda və ya azospermiya xəstələrində
• Spermanın formasında (morfologiyasında) pozğunluq olması halında
• Daha öncə klassik süni mayalanma üsulu (IVF) tətbiq olunmuş, lakin uğur əldə edilməmiş cütlüklərdə
• Preimplantasiya genetik diaqnozı (PGD) tətbiq olunacaq xəstələrdə
• Səbəbi bilinməyən sonsuzluq problemi olan cütlüklərdə

Mikroinyeksiya Texnikasının Üstünlüklləri Nələrdir?

Klassik süni mayalanma üsulu ilə qarşılaşdırıldığında, mikroinyeksiya texnikasında döllənmənin gerçəkləşmə ehtimalı çox daha yüksəkdir. Sperma sayı və keyfiyyəti aşağı olan xəstələrdə IVF ilə hamiləlik əldə etmək çox çətin ikən mikroinyeksiya sağlam bir hamiləlik imkanı yaradır.

Mikroinyeksiyanın Qiyməti Nə Qədərdir?

Daxili qaydalarımız səbəbilə web saytımız üzərindən qiymətlərimiz barədə məlumat paylaşa bilmirik. Ətraflı məlumat üçün əlaqə formumuzu doldura bilər və ya 444 39 49 nömrəli telefondan bizimlə əlaqə saxlaya bilərsiniz.