Takroriy bortlar

Homiladorlikning 20-haftasidan oldin homilaning yo’qolish hodisasiga homilaning tushib qolishi deb aytiladi. Onalikka nomzod ayolning yoshi katta bo’lishi homilaning tushib qolishida muhim risk faktori hisoblanadi. Orqama orqa 3 va undan ortiq marta homilaning yo’qolishi yuz bergan hodisalarga esa takroriy homila tushib qolishi deb aytiladi va bu hodisaning yuz berish koeffisienti 1%dan iboratdir.

Takroriy Homila Tushib Qolishining Sabablari

• Bachadondagi strukturaviy buzilishlar va bachadon bo’ynining yetarsizligi

• Xromosomal buzilishlar

• Infeksiyalar

• Gormonal buzilishlar

• Immunitet tizimi kasalliklari

• Atrof muhitga bog’liq va boshqa faktorlar

Takroriy homila tushib qolishi uchun qo’llaniladigan testlar bilan homilaning tushib qolish sababini aniqlash mumkin. Bu testlar quyidagilardir:

• Oilaviy juftlarning kariotip analizi yani qondagi xromosoma tekshiruvi.

• Bachadon bilan bog’liq muammolarni aniqlash uchun ultratovush diagnostikasi, bachadon rentgeni (gisterosalpingografiya) va kerak bo’lsa gisteroskopiya.

• Immunologik (immunitet tizimi bilan bog’liq) sabablarni aniqlash uchun qondagi antifosfolipid antikorlarining (lupus antikoagulyant, antikardiolipin antikorlari) tekshiruvi.

• Qalqonsimon bez testlari, och qondagi glyukoza yoki glyukozaga tolerantlik testi.

• Trombofiliyani (quyuqlashishga moyillik) aniqlash uchun ayolning qonidagi ba’zi omillarning (Antitrombin III, protein C, protein S, gomosistein, V Leyden faktori mutatsiyasi) o’rganish.

• Infeksiya tekshiruvi uchun vaginal ekish usuli.

Homilaning tushib qolishida eng ko’p uchraydigan belgi bu vaginal qon kelishidir. Qon kelishi dog’ holatidan boshlab ko’payib boradi va qon quyulib yig’ilib qolishi shaklida bo’lishi mumkin va shu bilan birga tortishib og’riq berishi ham mumkin. Homila tushib qolgan deb tashxis qo’yish uchun ultratovush diagnostik tekshiruvi yetarli bo’ladi. Qon kelishi ko’payib borib homila butunlay tashqariga chiqarib yuborilishi mumkin va bunday holatlarda ultratovushli diagnostika orqali ichkarida qolib ketgan to’qima yo’qligi aniqlansa va qon kelishi ko’p bo’lmasa abort qilmaslik ham mumkin. Lekin ba’zan homilaning bir qismi tashqariga chiqariladi xolos va bunday holatlarda abort yo’li bilan bachadonda qolib ketgan to’qimalar tozalab tashlanishi kerak.

Farzand ko’rishni istaydigan juftliklarning 5%ga yaqin qismi takroriy homila tushib qolishi sababli farzand ko’ra olmaydılar. Sun’iy urug’lantirish muolajasi orqali genetik (irsiy) sabablarga ko’ra homila tushib qoladigan holatlarda ijobiy natijalar olish mumkin. Takroriy homila tushib qoladigan holatlarda an’anaviy sun’iy urug’lantirish muolajasidagi jarayonlar amalga oshiriladi. Olingan bir nechta embrionlarda PGS testi (preimplantasion genetik (irsiy) skanerlash) qo’llanilib genetik (irsiy) nuqtai nazardan eng sog’lom embrionlar tanlab olinadi. Shu yo’l bilan homilador bo’lish ehtimoli oshadi.

Markazlarimizda qo’llaniladigan “individual muolaja” uslublari yordamida homilaning tushib qolishiga sabab bo’luvchi omillar aniqlanib onalikka nomzod shaxs uchun mos keluvchi eng to’g’ri muolaja rejalashtiriladi. Rivojlangan embriologiya laboratoriyamiz va o’z sohasining ustasi bo’lgan shifokor va embriologlarimizning puxta ishlashi natijasida eng og’ir holatlarda ham homiladorlik muvaffaqiyatli bo’lishi mumkin. Takroriy homila tushib qolishi bilan bog’liq batafsiz ma’lumot olish uchun biz bilan bog’lanib, shifokorlarimizdan birlamchi konsultasiya olishingiz mumkin.